Электроннае навучанне разлічана перадусім на актыўных карыстальнікаў інтэрнэту, што маюць доступ да кампутара з усталяваным браўзерам з актываванай падтрымкай Java, пакетам Microsoft Offise не ніжэй за 97' версію. Абавязковая наяўнасць электроннага адрасу, пажадана на беларускіх сэрверах з падтрымкай кодавых табліц беларускай мовы. Студэнт самастойна аплочвае час свайго побыту ў інтэрнэце.

Каб стаць е-студэнтам электроннага навучання Адкрытага асветніцкага праекта "EuroUniver", трэба абраць адну ці дзьве спецыяльнасці паводле акадэмічнай праграмы і зарэгістравацца ў е-сістэме (стаць е-студэнтам).

Пасля гэтага вы атрымліваецце на 7 месяцаў доступ да ўсіх курсаў і лекцый па вывучаемай спецыяльнасці, а таксама магчымасць карыстацца электроннай бібліятэкай, удзельнічаць у віртуальных семінарах і іншыя магчымасці. Мадэраваннем навучання будзе займацца т'ютар па абранай спецыяльнасці, з ім можна вырашаць усе пытанні адносна адукацыйнага працэсу.

У працэсе вывучэння тэарэтычнай часткі, е-студэнт мусіць выконваць разнастайныя практычныя заданні, для атрымання асабістага рэйтынгу. Выкананыя практычныя заданні запампоўваюцца праз раздзел "Заданні і праекты", пасля чаго іх можа праверыць т'ютар і вызначыць адпаведны рэйтынг.

Па меры праходжання курсаў е-студэнт мусіць здаць тэсты па спецыяльнасці. Кожны тэст праходзіцца толькі адзін раз і яго вынікі не магчыма аспрэчыць, таму ўважліва вывучайце лекцыі і выконвайце практычныя заданні, на аснове якіх будуюцца тэставыя пытанні.

Максімальная колькасць балаў асабістага рэйтынгу — 300!

Усе праекты і заданні ацэньваюцца т'ютарам па шкале ад 0 да 3 балаў. Т'ютар самастойна выстаўляе балы е-студэнту ў залежнасці ад якасці выкананага задання. У выпадку нязгоды з ацэнкай т'ютара навучэнец мае права апеляваць да адміністрацыі ААП "EuroUniver". Усе тэсты ацэньваюцца аўтаматычна па шкале ад 0 да 10 балаў. Для паспяховага завяршэння навучання персанальны рэйтынг е-студэнта мусіць быць роўным ці вышэйшым за 250 балаў.